तनहुँ ।
तनहुँमा गुडिरहेको ट्रक घरमा ठोकिँदा तीन जनाको ज्यान गएको छ भने पाँच जना घाइते भएका छन् । बुधबार विहान बन्दीपुर गाउँपालिका–५ आँधीखोलामा रहेको पृथ्वी राजमार्ग सडक खण्डमा उक्त घटना घटेको हो । डुम्रेबाट मुग्लिन जाँदै गरेको ना ४ ख १९७३ नम्बरको ट्रक अनियन्त्रित भई सडकको छेउमा रहेको सुनमाया भुजेल र सनबहादुर भुजेलको घरमा ठोकिएर आठ जना घाइते भएका थिए ।
सबैलाई उपचारका लागि चितवनको पुरानो मेडिकल कलेज भरतपुर पठाएकोमा तीन जनाको उपचारको क्रममा ज्यान गएकोे प्रहरीले जनाएको छ । पाँच जना घाइतेको पुरानो मेडिकल कलेज भरतपुरमा उपचार भइरहेको प्रहरीले जनाएको छ । दुर्घटनापछि बन्द भएको सडक पुनः सञ्चालनमा आएको छ ।
यो समाचार पढेर हजुरले कस्तो महसुस गर्नुभएको छ ??
