एजेन्सी ।
दक्षिण भारतीय फिल्मका निर्माता एवं निर्देशक एसएस राजामौलीले हालै आफ्नो ड्रीम प्रोजेक्ट ‘महाभारत’ फिल्म बनाउने बताकाछन् । भारतीय सञ्चार माध्यमसँगको एक अन्तर्वार्तामा महाभारतमा आधारित फिल्म ‘महाभारत’ बनाउने राजामौलीले बताएका हुन् । केही वर्षयताका अन्तर्वार्तामा उनले यसलाई आफ्नो ड्रिम प्रोजेक्ट भएको बताउने गरेका थिए । राजामौलीको महाभारत १० भागमा बन्ने भएको छ । यसबारे कुरा गर्दै राजामौलीले भनेका छन्, ‘म महाभारत बनाउछु भने एक वर्ष पुरै देशमा उपलब्ध महाभारतको संस्करण अध्ययन गर्न समय लाग्छ ।
अहिले म यसलाई १० भागमा मात्र बनाउने सोचमा छु ।’ राजामौलीले आगाडी भने, ‘मैले बनाएको हरेक फिल्म ‘महाभारत’ बनाउनको लागि केही न केही सिक्दै छु जस्तो लाग्छ । त्यसैले यो मेरो सपना हो र मेरो हरेक कदम त्यही दिशामा छ ।’ हाल राजामौली महेश बाबुलाई लिएर फिल्म ‘एसएसएमबी २९’ बनाउने तयारीमा छन् । यो फिल्म पौराणिक कथामा आधारित हुने छ।
