बुटवल ।
नेपाल प्रेस यूनियन रुपन्देहीको अध्यक्षमा कविन्द्र नेपाल निर्वाचित हुनुभएको छ। शुक्रबार सम्पन्न यूनियनको २१ औं साधारणसभा तथा ९औं अधिवेशनले नेपालको नेतृत्वमा नयाँ कार्यसमिति चयन गरेको हो । अधिवेशनले उपाध्यक्षमा दीपक घिमिरे, समावेशी उपाध्यक्षमा कल्पना तिवारी, सचिवमा कपिल ज्ञवाली र कोषाध्यक्षमा गोविन्द बस्नेतलाई चयन गरेको छ । यसैगरी सीता बराल, तिलक सुवेदी र कृष्ण भण्डारी सहसचिव तथा भुवन जिसी सहकोषाध्यक्षमा निर्वाचित हुनु भएको छ । कार्यसमिति सदस्यहरुमा ललित पान्डे, माधव पौडेल, तिर्सना पन्थी, सृष्टि अधिकारी भुसाल, हृदयराम गुप्ता, राहुल सापकोटा, कमला अर्याल, सुवास पौडेल, दिनेश पान्डे, ललिता घिमिरे, सिर्जना भट्टराई, मिठू खान, जयस महमद खान र ज्ञान कुमारी विक निर्विरोध निर्वाचित हुनु भएको हो।
नयाँ नेतृत्वलाई निवर्तमान अध्यक्ष रेखा भुसालले बधाई तथा सफल कार्यकालको शुभकामना व्यक्त गर्नु भएको थियो। कार्यक्रममा जिपी कोइराला स्मृती पत्रकारिता पुरस्कार २०७८ बाट पत्रकार महासंघ रुपन्देहीमा अध्यक्ष तथा प्रेस यूनियन रुपन्देहीका पूर्व सभापती रामराज पोखरेललाई सम्मान गरिएको छ भने वर्ष २०७९ लागि २५ हजार राशीको रहेको उक्त पुरस्कार पत्रकार भवानी प्रसाद पाण्डेले प्राप्त गर्नुभएको छ । यसैगरी नगद २० हजार राशीसहितको टोप शुशीला शिक्षा पत्रकारिता पुरस्कारबाट पत्रकार माधव नेपाल सम्मानित हुनुभएको छ ।
