एजेन्सी ।
न्युजिल्याण्डको राजधानी वेलिङ्गटनको एक छात्रावासमा आगलागी भएको छ। आगलागीमा परेर कम्तीमा ६ जनाको ज्यान गएको छ। ३० जनाको अवस्था थाहा हुन सकेको छैन। उनीहरुको खोजी भइरहेको छ। चार तले आवासीय भवनमा गएराति आगलागी भएको र भवनमा ९२ जनासम्म बस्न मिल्ने कोठा रहेको बीबीसीले जनाएको छ। तर आगलागी हुँदा भवनमा कतिजना थिए भन्ने खुल्न सकेको छैन। आगलागी नियन्त्रणका लागि २० वटाभन्दा धेरै दमकल प्रयोग गरिएको थियो। आगो निभाइएको छ। आगलागीको कारण खुल्न सकेको छैन। तर कसैले जानाजानी आगो लगाएको हुन सक्ने अनुमान गरिएको खबरमा उल्लेख छ।
यो समाचार पढेर हजुरले कस्तो महसुस गर्नुभएको छ ??
