काठमाण्डौ ।
एनएससी–काभा महिला भलिबल च्यालेन्ज कपको उपाधि भारतले हात पारेको छ । आज (आइतबार) त्रिपुरेश्वरको कभर्ड हलमा भएको फाइनल खेलमामा काजकिस्तानलाई हराउँदै भारतले उपाधि जित्न सफल भएको हो । भारतले काजकिस्तानलाई ३–० को सोझो सेटमा हराएको छ। भारतले पहिलो सेट २५–१५, दोस्रो सेट २५–२२ र तेस्रो सेट २५–१८ ले जित्यो । योसँगै भारतले अपराजित रहँदै प्रतियोगिता सकेको छ ।
भारत उज्बेकिस्तानलाई हराउँदै फाइनलमा पुगेको हो भने काजकिस्तान नेपाललाई हराउँदै फाइनलमा पुगेको हो। प्रतियोगितामा काजकिस्तान उपविजेता बन्दा, नेपाल तेस्रो, उज्बेकिस्तान चौथो, श्रीलङ्का पाँचौँ, किर्गिस्तान छैटौँ, माल्दिभ्स सातौँ र बङ्गलादेश आठौँ भएका छन्। प्रतियोगिता राष्ट्रिय खेलकुद परिषद् ९राखेप० को विशेष सहयोग तथा नेपाल भलिबल सङ्घको आयोजनामा भएको हो ।
यो समाचार पढेर हजुरले कस्तो महसुस गर्नुभएको छ ??
