गोरखा ।
गोरखामा गाडी दुर्घटना हुदाँ ५ जनाको ज्यान गएको छ । गोरखाका प्रमुख जिल्ला अधिकारी दिनेश सागर भुसालका अनुसार गएराति प्रदेश ३ ०१–०२३ च २४ २७ नम्बरको गाडी गोरखाको शहीद लखन गाउँपालिका–३ मा पल्टिँदा शहीद लखन–५ का १९ वर्षीय प्रविण थापा, २८ वर्षीय वीरबहादुर थापा, १९ वर्षीय निरज थापा, १९ वर्षीया नविना थापा र ६४ वर्षीय धनबहादुर थापाको ज्यान गएको हो ।
दुर्घटनामा परी अन्य १२ जना घाइते भएका छन। शहीद लखन–५ ताक्लुङबाट चिलिङकोट–३ मा रहेको केटीको घरमा टिकाटालो गरेर फर्किएकाहरू दुर्घटनामा परेको प्रमुख जिल्ला अधिकारी भुसालले बताउनुभयो। दुलहा र दुलही अर्कै गाडीमा चढेकाले उनीहरू भने सुरक्षित छन् । गाउँलेहरूका अनुसार उनीहरूले यसअघि आफूखुसी बिहे गरेका थिए र हिजो बिहीवार टिकाटालोका लागि केटा पक्ष जन्तीसहित केटीको घर गएका थिए ,
यो समाचार पढेर हजुरले कस्तो महसुस गर्नुभएको छ ??
