काठमाण्डौ ।
विश्वकप क्रिकेट छनोट अन्तर्गत नेपाल नेदरल्यान्ड्ससँगको खेलमा ७ विकेटले पराजित भएको छ । नेपालले दिएको १ सय ६८ रनको सामान्य लक्ष्य नेदरल्यान्ड्सले २८ ओभर १ बलमा मात्रै तीन विकेट गुमाएर भेट्टाएको थियो । यसअघि जिम्बावेको टाकाशिङ्गा स्पोर्ट्स क्लबमा नेदरल्यान्ड्सले टस जितेर फिल्डिङ रोजेपछि पहिले ब्याटिङ गरेको नेपाल ४४ ओभर ३ बलमा १ सय ६७ रनमा अलआउट भयो । आजको हारसँगै नेपाल सुपर सिक्समा पुग्न असफल भएको छ । समूह “ए” बाट अमेरिका यसअघि नै बाहिरिसकेको छ । समूह “ए” बाट जिम्बावे, वेष्ट इन्डिज र नेदरल्यान्ड्स सुपर सिक्समा पुगेका छन् । नेपालले आफ्नो खेलमा अमेरिकालाई हरायो भने वेष्ट इन्डिज, जिम्बावे र नेदरल्यान्ड्सँग पराजित भएको हो ।
यो समाचार पढेर हजुरले कस्तो महसुस गर्नुभएको छ ??
