एजेन्सी ।
महिला विश्वकप फुटबल प्रतियोगिताको आइतबार खेलिएको खेलमा जमैकाले बलियो फ्रान्सलाई गोलरहित बराबरीमा रोकेको छ । समूह ‘एफ’ मा दुबै टोलीले आफ्नो पहिलो खेल खेलेका हुन् । ब्राजिल र पानामा पनि सोही समूहमा छन् । यी दुई टोलीले भने हालसम्म आफ्नो पहिलो खेल खेलेका छैनन् । खेलको अन्तिम समयमा जमैका १० खेलाडीमा समेटिएको थियो । इन्जुरी समयको दोस्रो मिनेटमा जमैकाकी खादिजा सले रातो कार्ड पाएकी थिइन् । महिला विश्वकपको नवौं संस्करण अस्ट्रेलिया र न्युजिल्यान्डमा सञ्चालन भइरहेको छ ।
यो समाचार पढेर हजुरले कस्तो महसुस गर्नुभएको छ ??
