मकवानपुर ।
मकवानपुरमा पहिरोमा परि हराएका २ जनाको शव फेला परेको छ । जिल्लाको बाग्मती गाउँपालिकामा गएको पहिरोमा बेपत्ता भएकामध्ये दुई जनाको शव फेला परेको हो भने अन्य ३ जना अझै बेपत्ता छन। बाग्मती गाउँपालिका वडा नम्बर ५ सिग्रेदोभानमा हिजो मङ्गलवार बिहान गएको पहिरोमा परेर बेपत्ता भएका अक्कलबहादुर स्याङ्तान र उहाँकी २२ वर्षकी छोरी शीलाको शव १० किलोमिटर टाढा सिन्धुलीको हरिहरपुरगढीमा रहेको बाग्मती नदी बगरमा फेला परेको जिल्ला प्रहरी कार्यालय मकवानपुरले जनाएको छ । हराइरहेकामा अक्कलबहादुरका २५ वर्षका ज्वाइँ जीवन पहरी, चार वर्षका नाति मिलन र डेढ वर्षकी नातिनी दिव्या रहेका छन् । पहिरोमा परेर एक जनाको हिजो नै ज्यान गएको थियो भने एक जनाको जिवितै उद्धार गरिएको थियो ।
यो समाचार पढेर हजुरले कस्तो महसुस गर्नुभएको छ ??
