धादिङ । आज बिहान धादिङ केन्द्रविन्दु भएर गएको भुकम्पका कारण १२ घर क्षतिग्रस्त बनेका छन । बिहान ७ बजेर ३९ मिनेट जाँदा धादिङको ज्वालामुखी गाउँपालिका–५ खरी दर्बुङघाट केन्द्रबिन्दु भएर ६ दशमलव १ रेक्टरस्केलको भूकम्प गएको थियो । भूकम्पको केन्द्रबिन्दु र आसपासका क्षेत्रका १२ घरमा क्षति पुगेको हो ।
भूकम्पपछि वडा नम्बर ५ को एक ठाउँमा ठूलो पहिरोसमेत गएको छ । भूकम्पको धक्का रुपन्देही, कपिलवस्तु, चितवन लगायत अन्य क्षेत्रमा पनि महसुस गरिएको थियो । यसअघि गएको असोज महिना बझाङ केन्द्रबिन्दु बनाएर पटक पटक भूकम्प गएको थियो ।
यो समाचार पढेर हजुरले कस्तो महसुस गर्नुभएको छ ??
