दाङ ।
दाङमा खुकुरी प्रहार गरेको आरोपमा तीन जना पक्राउ परेका छन् । धारिलो हतियार खुकुरी प्रहार गरी फरार भएका तीनै जनालाई घोराही उपमहानगरपालिका–९ तेघरामा लुकीछिपी बसिरहेको अवस्थामा पक्राउ गरेको जिल्ला प्रहरी कार्यालय दाङले जनाएको छ ।
पक्राउ पर्नेमा घोराही उपमहानगरपालिका–९ का २४ वर्षीय शैलेश शाह, घोराही–१५ का २५ वर्षीय मिस्चल बुढामगर र घोराही–१५ कै २५ वर्षीय नवराज श्रेष्ठ रहेका छन् ।
उनीहरुले घोराही उपमहानगरपालिका–१५ गोरखा हस्पिटल रोड नजिकै हिँडिरहेको अवस्थामा घोराही–१५ का २१ वर्षीय कृतिक बुढामगरलाई खुकुरी प्रहार गरेर गम्भीर घाइते बनाएका थिए । गम्भीर घाइते कृतिकको अहिले काठमाण्डौको मेडिसिटी अस्पतालमा उपचार भैरहेको छ। प्रहरीले खुकुरी प्रहार गर्ने तीनै जनालाई नियन्त्रणमा लिएर थप अनुसन्धान भैरहेको बताएको छ ।
यो समाचार पढेर हजुरले कस्तो महसुस गर्नुभएको छ ??
