पाल्पा ।
पाल्पामा आईतबार राति ट्रिपर दुर्घटना हुँदा एक जनाको मृत्यु भएको छ । मृत्यु हुनेमा रिव्दीकोट–१, ख्याहा बस्ने २४ वर्षीय शिवबहादुर पालुङ्गे रहेको प्रहरीले जनाएको छ ।
रैनादेवी छहरा–२, स्थित सिजी कम्पनीभित्र माटो बोक्ने क्रममा लु १ क ३१६१ नम्बरको ट्रिपर दुर्घटनामा परेकाे थियाे । ट्रिपर दुर्घटनामा घाइते भएका पालुङ्गे उपचारको लागि लैजाने क्रममा बाटोमै मृत्यु भएको हो ।
दुर्घटनामा घाइते भएका पालुङ्गेलाई उपचारका लागि तानसेनस्थित लुम्विनी मेडिकल कलेज प्रभासमा ल्याइएपनि डाक्टरले मृत घोषणा गरेको जिल्ला प्रहरी कार्यालय पाल्पाले जनाएको छ ।
यो समाचार पढेर हजुरले कस्तो महसुस गर्नुभएको छ ??
