एजेन्सी ।
संयुक्त राष्ट्रसंघका महासचिव एन्टोनियो गुटेरेसले गाजा क्षेत्र कहिल्यै पुर्ननिर्माण गर्न नसकिनेगरि ध्वस्त भइरहेको बताउनुभएको छ । इजरायलको लगातारको हवाइ तथा स्थल आक्रमणले गाजा क्षेत्रका सर्वसाधारणले ज्यान गुमाइरहेको उहाँको टिप्पणी छ । गाजाका सर्वसाधारण कुनैपनि ठाउँमा सुरक्षित नरहेको तथा उनीहरुको आश्रयस्थल समेत नरहेको भन्दै महासचिव गुटेरेसले राष्ट्रसंघको सुरक्षा परिषद्लाई मानवीय संकट टार्न आवश्यक कदम चाल्न आव्हान समेत गर्नुभएको छ ।
उता अमेरिकी सिनेटले इजरायल र युक्रेनलाई सैन्य सहयोगसम्बन्धी एउटा प्रस्ताव रोकिदिएको छ । राष्ट्रपति जो बाइडेनले पेस गर्नुभएको प्रस्तावलाई सिनेटमा बहुमत रिपब्लीकन सांसदहरुले रोकिदिएका हुन् ।
यो प्रस्तावमा रुससँग युद्ध लडिरहेको युक्रेनलाई झण्डै ६१ बिलियन अमेरिकी डलर सहायताको प्रस्ताव गरिएको थियो । यसैगरी इजरायललाई सैन्य सहयोगको लागि ५० बिलियन डलरको प्याकेज थियो । सिनेटको यो निर्णयपछि अमेरिकाका साझेदार मुलुकहरु इजरयाल र युक्रेन भने क्रुद्ध भएका छन् ।
