पर्वत ।
पर्वतकाे मोदी गाउँपालिका–२ मा तरुल खोज्न जङ्गल गएका एक पुरुषकाे आफ्नै साथीले हत्या गरेका छन । हिजाे दिउँसाे एक सामुदायिक वनमा तरुल खाेज्न गएका देउपुरका ४० वर्षीय उदय रिजाललाई ३५ बर्षिय प्रेमबहादुर नेपालीले हत्या गरेको जिल्ला प्रहरी कार्यालय पर्वतले जानकारी दिएकाे हाे ।
नेपालीले पुरानो रिसिबीका कारण तरुल खन्न प्रयोग गरिएको हतियारले रिजाललाई घाइते बनाएको स्वीकार गरेको प्रहरीले जनाएकाे छ । अचेत अवस्थामा फेला परेका रिजाललाई पर्वत अस्पतालमा पुर्याइएपनि चिकित्सकले मृत घोषणा गरेका हुन् । यस्तै, घाइते भएका श्रीराम शर्माको मणिपाल अस्पताल पोखरामा उपचार भइरहेको छ । हत्या आरोपमा नेपालीलाई पक्राउ गरी घटनाबारे थप अनुसन्धान शुरु गरिएकाे प्रहरीले जनाएको छ ।
यो समाचार पढेर हजुरले कस्तो महसुस गर्नुभएको छ ??
