एजेन्सी ।
फिल्म निर्माता विधु विनोद चोपडा निर्देशित ‘12th फेल’ रिलिज भएदेखि नै सर्वत्र चर्चामा छ । विक्रान्त मेसी र मेधा शंकर अभिनीत यो फिल्म २०२३ को सफल फिल्म मध्ये एक हो । २७ अक्टोबर २०२३ मा रिलिज भएको यो फिल्मले दर्शकको धेरै माया पाएको छ । भारतमा आफ्नो छाप छोडेपछि अहिले यो फिल्मले देशलाई अन्तर्राष्ट्रिय स्तरमा पनि चिनाउँदै छ । हालै यो फिल्म एसिया–युरोप योङ फिल्म फेस्टिभलमा देखाइयो । यस क्रममा फिल्मले दर्शकबाट उत्कृष्ट प्रतिक्रिया पाएको थियो, त्यहाँ उपस्थित दर्शकले स्ट्यान्डिङ ओभेसन दिएका थिए ।
विधु विनोद चोपडाले सामाजिक सञ्जालमा स्क्रिनिङ कार्यक्रमको झलक शेयर गर्दै क्याप्सनमा लेखेका छन्- एसिया-युरोप यंग सिनेमा फेस्टिभल (मकाउ) मा #12thfail लाई न्यानो स्वागतको झलक। ’12th फेल’ IMDb मा अहिलेसम्मको सबैभन्दा उच्च रेटिङ भएको भारतीय फिल्म बनेको छ। यसले शाहरुख खानको ‘डंकी’, ‘ओएमजी-२’, ‘जवान’, ‘पठान’ र रणवीर कपूर-बबी देओलको ‘एनिमल’लाई पनि पछाडि छोडेको छ।
