काठमाडौँ ।
चिसो अझै केही दिन बढ्ने जल तथा मौसम विज्ञान विभागको मौसम पूर्वानुमान महाशाखाले जनाएको छ । अझै हिउँदे वर्षा नभएकाले पनि यो वर्षको जाडो लम्बिन सक्ने महाशाखाले जनाएको छ । चिसो र शीतलहर बढ्ने भएकाले सतर्क रहन महाशाखाले सुझाव दिएको छ ।
उच्च हिमाली भेगमा हिउँ धेरै नपरे पनि चिसो बढेकाले त्यसको प्रभावले तराईका जिल्लाहरुमा शीतलहर बढेको छ । लुम्बिनी, मधेश र कोशी प्रदेशका विभिन्न जिल्लामा वायुमण्डलको पारदर्शिता शुन्य हुँदा हवाई उडानसमेत प्रभावित भएको छ । पश्चिम, मध्य र पूर्वी तराईमा शीतलहर चलेको महाशाखाले जनाएको छ ।
अहिलेसम्म वर्षा हुने राम्रो प्रणाली नदेखिएको र भएको प्रणाली पनि आकाशको धेरैमाथि रहेको मौसमविद् गोविन्द झाले बताउनुभयो । हिमाली भेगको चिसो माइनसबाट तलतिर झर्ने क्रम जारी रहेको बताइएको छ।
यो समाचार पढेर हजुरले कस्तो महसुस गर्नुभएको छ ??
