काठमाण्डौ ।
भारतीय योगगुरु बाबा रामदेवले त्यहाँको सर्वोच्च अदालतसँग माफी मागेका छन् । पतञ्जलिको भ्रमित गराउने खालको विज्ञापन मामिलामा उनले आफ्नो गल्तीका लागि माफी मागेका हुन् । अदालतले बाबा रामदेव र आचार्य बालकृष्णलाई मार्च १९ मा हाजिर हुन आदेश दिएको थियो । अदालतले बाबा रामदेव र आचार्य बालकृष्णलाई मार्च १९ मा हाजिर हुन आदेश दिएको थियो ।
यसै मामिलामा कम्पनीका प्रबन्ध निर्देशक आचार्य बालकृष्णले पनि बिना सर्त अदालतसँग माफी मागेका छन् । माफीनामामा फेरि विज्ञापन प्रसारण नगर्ने वाचा पनि गरिएको छ । कम्पनीको सञ्चार विभागलाई अदालतको आदेशको जानकारी नभएको आचार्य बालकृष्णको भनाइ छ । विज्ञापनका उद्देश्य पतञ्जलिका प्रडक्टहरू उपभोग गरेर स्वस्थ जीवन जिउन नागरिकहरूलाई प्रोत्साहित गर्नु भएको उनले बताए । – एजेन्सी
यो समाचार पढेर हजुरले कस्तो महसुस गर्नुभएको छ ??
