काठमाण्डौ ।
मादक पदार्थ सेवन गरी आफ्नै घरमा आगो लगाउने एक जना पक्राउ परेका छन । पक्राउ पर्नेमा गुल्मीको धुर्कोट गाउँपालिका‐६ रजस्थलका ५९ वर्षीय रेखबहादुर परियार रहेको जिल्ला प्रहरी कार्यालय गुल्मीले जनाएको छ ।
परियारले मादक पदार्थ सेवन गरी आइतबार राति आफू बस्ने घरमा आगो लगाएका थिए। आगो लागेपछि घरभित्रका अन्नपात, लत्ताकपडा जलेर पूर्ण रूपमा नष्ट भएको छ। अन्य समयमा पनि परियारले मापसे गरी गाउँमा होहल्ला गर्ने र छिमेकीको घरमा आगो लगाइदिन्छु भन्दै धम्की दिने गरेको प्रहरीले जनाएको छ।उनलाई प्रचलित कानुनबमोजिम आवश्यक कारबाही गरिने प्रहरीले जनाएको छ।
यो समाचार पढेर हजुरले कस्तो महसुस गर्नुभएको छ ??
