हैदराबाद ।
इन्डियन प्रिमियर लिग (आईपीएल)को १७ औँ सिजनमा आज सनराइजर्स हैदराबादले लखनउ सुपरजाइन्ट्सको सामना गर्दैछ । खेल बेलुका ७ः४५ बजेदेखि हैदराबादको राजीव गान्धी अन्तर्राष्ट्रिय रंगशालामा हुनेछ । दुवै टोली यो सिजन पहिलो पटक आमनेसामने हुँदैछन् ।
आज हैदराबाद र लखनउ दुवैको सिजनको १२ औँ खेल हुनेछ। दुवै टोलीले ११ खेलमध्ये ६ मा जित र ५ हार बेहोरेका छन् । राम्रो रन रेटका कारण हैदराबाद चौथो स्थानमा र लखनउ पाँचौँ स्थानमा छ । आजको खेल जित्ने टोलीको छनोट हुने सम्भावना बढ्नेछ ।
- हैदराबादविरुद्ध लखनउ अपराजित
आईपीएलमा हैदराबादले अहिलेसम्म लखनउलाई हराउन सकेको छैन । हैदराबाद र लखनउबिच लिगमा हालसम्म ३ खेल भइसकेका छन् । लखनउले सबै जितेको छ। हैदराबादको राजीव गान्धी अन्तर्राष्ट्रिय रंगशालामा एक खेल भएको थियो । जसमा लखनउ ७ विकेटले विजयी भयो ।
-एजेन्सी
यो समाचार पढेर हजुरले कस्तो महसुस गर्नुभएको छ ??
