काठमाण्डौ ।
भारतको बिहार राज्यमा लगातार गर्मी बढिरहेको छ । गर्मीले पछिल्ला सबै रेकर्ड तोडेको छ । गर्मीबाट तत्काल राहत नपाइने भन्दै मौसम विभागले अलर्ट जारी गरेको छ। बुधवारको गर्मीले राज्यमा १४ जनाको मृत्यु भएको बताइएको छ । गर्मीले गर्दा कयौँ विद्यालयमा शिक्षक र विद्यार्थीसमेत गरेर ३३७ जना बिरामी भएका थिए ।
मौसम विभागले बिहीबारका लागि राज्यको कयौँ जिल्लामा अलर्ट जारी गरेको छ । पछिल्लो समय गर्मी बढिरहँदा भारतका कयौँ राज्यमा हिटस्ट्रोकका कारण मर्नेको सङ्ख्या बढेको छ । उत्तर प्रदेशमा बुधबार एकै दिन ५१ जनाको मृत्यु भएको खबर आएको थियो ।
-एजेन्सी
यो समाचार पढेर हजुरले कस्तो महसुस गर्नुभएको छ ??
