अर्घाखाँची ।
अर्घाखाँचीको छत्रदेवमा गएराति टिपर दुर्घटना हुँदा एक जनाको ज्यान गएको छ । मृत्यु हुनेमा सन्धिखर्क नगरपालिका खाँचीकोटका टिपर चालक रामलाल पुरी रहेको जिल्ला प्रहरी कार्यालय अर्घाखाँचीले बताएको छ।
देउराली तम्घास सडकमा देउरालीबाट नेटा जाँदै गरेको ना ८ ख ६६४४ नम्बरको टिपर सडकदेखि करिब ६० मिटर तल खसेर दुर्घटना भएको हो । पुरीको जिल्ला अस्पताल गुल्मीमा उपचारका क्रममा मृत्यु भएको जिल्ला प्रहरी कार्यालय अर्घाखाँचीले जनाएको छ ।
यो समाचार पढेर हजुरले कस्तो महसुस गर्नुभएको छ ??
