देवदह । रुपन्देहीको देवदहमा विद्यार्थीलाई एक दिने योगाभ्यास तथा प्रशिक्षण कार्यक्रम सम्पन्न भएको छ । केरवानी स्काउट दलको आयोजनामा देवदह ५ स्थित लोकेश्वर मन्दिरमा रहेको जेष्ठ नागरिक मिलन केन्द्रको सभाहलमा उक्त कार्यक्रम सम्पन्न भएको हो ।
कार्यक्रममा केरवानी स्काउट दल र सरस्वती स्काउट दलका गरि ७० जना विद्यार्थीको सहभागीता रहेको थियो । कार्यक्रममा योग गुरु नमकान्त पाण्डे, तुल्सिराम शर्मा, कृष्ण प्रसाद ज्ञवालीले प्रशिक्षण गर्नुभएको थियो ।
विद्यार्थीलाई योग, ध्यान र साधनामार्फत अनुशासित र कर्तव्यनिष्ठ बनाउन यस किसिमको कार्यक्रमले मद्दत गर्ने स्थानीय स्काउट देवदह नगर समिती सदस्य सुरज भट्टराईले बताउनुभयो । योगले मानिसलाई स्वस्थ रहन र मानसिक तनाव हटेर आनन्दको अनुभूति गर्ने वातावरण सृजना गर्ने उहाले बताउनुभयो ।
कार्यक्रममा केरवानी मा.विका सहायक प्र.अ कमल ज्ञवाली, केरवानी स्काउट दलका स्काउट मास्टर अर्जुन गौतम, सरस्वती स्काउट दलका स्काउट मास्टर भरत खनाल, स्काउट मास्टर तारा चौधरी तथा केरवानी स्काउट दल, सरस्वती स्काउट दलमा आवद्ध विद्यार्थीहरूको बाक्लो उपस्थिति रहेको थियो ।
