काठमाडौं । काभा महिला भलिबल नेसन्स लिगको उपाधिका लागि नेपाल र भारत भिड्दैछन् ।
आज साँझ ५ बजे दशरथ रंगशालाकाे कबडहलमा हुने फाइनलमा भारतविरुद्ध जित निकाल्न सके नेपालले उपाधि रक्षा त गर्छ नै ५ वर्ष अघिको हारको बदला पनि लिनेछ ।
मंगलबार इरानलाई सोझो सेटमा हराउँदै नेपालले भारतसँगको भेट पक्का गरेको थियो । इरानलाई नेपालले ३-० को सोझो सेटमा पराजित गरेको थियो ।
सन् २०१९ मा घरेलु मैदानमा भएको १३ औँ दक्षिण एसियाली खेलकुद (साग) को महिला भलिबलको फाइनलमा घरेलु टोली नेपाल र भारत भेट भएका थिए।
त्यतिबेला नेपाल भारतसँग ३–२ को सेटमा पराजित भएको थियो।
यो समाचार पढेर हजुरले कस्तो महसुस गर्नुभएको छ ??
