युवाहरुको लागी २ दिने निःशुल्क उद्घोषण एवम् नेतृत्व विकास तालिम सम्पन्न भएको छ । भर्चुअल माध्यमबाट भएको तालिममा ३५ जना सहभागी रहेको कार्यक्रम संयोजक सिजन न्यौपानेले जानकारी दिनुभयो ।
तालिमला प्रशिक्षक सन्तोषी सापकोटाले उद्घोषण कलाको विषयमा प्रशिक्षण दिनु भएको थियो भने नेतृत्व विकास सम्बन्धी सिजन न्यौपानेले प्रशिक्षण दिनुभएको थियो । उक्त तालिम निःशुल्क रूपमा सञ्चालन गरिएको थियो ।
अहिलेको समय मा सबै युवा हरुमा आउने नेतृत्व एवम् उद्घोषण सम्बन्धी समस्याहरु समाधान गर्नका लागि प्रशिक्षक द्वोयको सहकार्यमा उक्त कार्यक्रम सञ्चालन भएको हो । देवदह नगरपालिका बाट भर्चुअल माध्यमबाट सुरुवात भएको तालिममा पाल्पा, गुल्मी, अर्घाखाँची, रुपन्देही जिल्लाका युवाहरुको सहभागीता रहेको थियो ।
सहज वातावरणको सिर्जना भएमा आगामी दिनमा पनि यस्तै प्रकारका प्रशिक्षण, तालिम भौतिक रूपमा नै सञ्चालन गर्न सकिने कुरा प्रशिक्षकहरुले बताएका छन् ।
