५ कात्तिक, कपिलवतु ।
कपिलवस्तुमा ट्रक दुर्घटना हुँदा दुई जनाको ज्यान गएको छ भने अन्य छ जना घाइते भएका छन् । शसस्त्र प्रहरी चढेको ट्रक हिजो साँझ बाणगङ्गा नगरपालिका–३ सिउटी नजिकै दुर्घटनामा परेको थियो । चालक तथा सशस्त्र प्रहरी जवान रमेश चौधरी र स्थानीयवासी अमर तङनामीको ज्यान गएको इलाका प्रहरी कार्यालय पिपराले जनाएको छ ।
ट्रकले ठक्कर दिँदा सडकमा हिँडिरहेका स्थानीय सागर पाण्डे, राजु चौधरी र कुलबहादुर घर्ती गम्भीर घाइते भएका छन् । घाइतेको बुटवलमा उपचार भइरहेको छ । ट्रकमा रहेका थप तीनजना सशस्त्र प्रहरी जवान गोविन्द सुवेदी, जनक चौधरी र प्रेम मल्ल घाइते भएका छन् । थप उपचारका लागि उनीहरुलाई पनि बुटवल पठाइएको छ ।
यो समाचार पढेर हजुरले कस्तो महसुस गर्नुभएको छ ??
