१३ कात्तिक, भैरहवा ।
लायन्स क्लब अफ लिगेसीले यही कात्तिक १७ गतेबाट प्रथम सिद्धार्थनगर सांस्कृतिक मेला २०७९ आयोजना गर्न लागेको छ। हालै मात्रै स्थापित सामाजिक संस्था लिगेसीले संस्कृतिको जगेर्ना, स्थानीय प्रतिभाको प्रस्फुटन सँगसँगै विशेषज्ञ स्वास्थ्य सेवाका साथ मेला सञ्चालन गरेको हो । यही कात्तिक २७ गतेसम्म भैरहवाको हनुमान मन्दिर पसिरमा सांस्कृतिक कार्यक्रम सञ्चालन गरिने संस्थाका अध्यक्ष रविकान्त उपाध्यायले जानकारी दिएका छन । मेलामा राष्ट्रिय, स्थानीय कलाकारका साथै चर्चित भोजपुरी गायकहरूको प्रस्तुति रहने छ ।
मेलाको मुख्य आकर्षणको रूपमा गायक दुर्गेश थापा, प्रकाश सपुत, प्रीति आले, कर्णराज गिरी, मोडल करिश्मा ढकाल, प्रीति पासवान, डान्सर बबिता धिताल, भोजपुरी स्टार गायक रितेश पाण्डे, सिल्पी राज, समर सिंहलगायतका रहने छन् । सो अवसरमा कुस्ती प्रतियोगिता पनि हुने कार्यक्रम संयोजक राजन शुक्लाले बताएका छन । महोत्सवमा दैनिक डान्स आइडल पनि हुनेछ आयोजकले जनाएको छ ।
