चितवनको भरतपुर महानगरपालिका–१ रामनगरमा भारतीय ट्रकको ठक्करबाट एक जनाको ज्यान गएको छ । गत बिहान साढे २ बजेको समयमा भारतको उत्तर प्रदेश राज्य सहारानपुर गाउँ बस्ने ३८ वर्षीय तलिस खानले चलाएको एचआर ५५ एक्स १४८२ नम्बरको भारतिय ट्रकले एक पुरुषलाई ठक्कर दिएको थियो ।
ट्रकको ठक्करबाट गम्भीर घाइते भएका उनको उपचारको लागि अस्पताल ल्याउने क्रममा बाटोमै ज्यान गएको चितवन प्रहरीले जनाएको छ । मृतकको शव भरतपुर अस्पतालको शव गृहमा राखिएको छ । तर मृतकको पहिचान हुन नसकेको प्रहरिको भनाई छ । शवको पहिचान हुन नसकेपछि पहिचानका लागि प्रहरीले मृतकको फोटो सामाजिक सञ्जालमा सार्वजनिक गरेको छ ।
यो समाचार पढेर हजुरले कस्तो महसुस गर्नुभएको छ ??
