थारु बगिया जिल्ला समिति रुपन्देहीको छैठौं जिल्ला अधिवेशन शनिबार सम्पन्न भएको छ । उक्त अधिवेशन तिलोत्तमा नगरपालिका वडा नं ०५ मणिग्राम स्थित श्री शान्ति नमुना माविमा सम्पन्न भएको हो । अधिवेशनले संस्थाका पूर्व जिल्ला महासचिव मनजीत चौधरी थारुको अध्यक्षतामा ११ सदस्यीय नयाँ जिल्ला कार्यसमिति चयन गरेको छ । जसमा उपाध्यक्ष अनिता चौधरी थारु, महासचिव सन्तु दङ्गोरिया थारु, सचिव सन्तोषी चौधरी थारु र कोषाध्यक्ष विजय चौधरी थारु रहेका छन् ।
त्यस्तै सदस्यहरुमा महादेव थारु, मदन थारु, माधव थारु, हिरामान थारु, अरविन थारु र मिना कंवर थारु रहेका छन् । निर्वाचन मण्डलमा संस्थाका केन्द्रीय अध्यक्ष मनिस चौधरी, संस्थापक कोषाध्यक्ष तुलसी दङ्गोरिया र केन्द्रीय महासचिव रोहन चौधरी रहेका थिए । कार्यक्रम संस्थाका केन्द्रीय अध्यक्ष मनिस चौधरीको प्रमुख आतिथ्य, केन्द्रीय महासचिव रोहन चौधरीको स्वागत र जिल्ला महासचिव सन्तु दङ्गोरियाको संचालनमा सम्पन्न भएको थियो ।
थारु बगिया रुपन्देहीको अध्यक्षमा मनजीत चौधरी चयन
यो समाचार पढेर हजुरले कस्तो महसुस गर्नुभएको छ ??
2.1K
204
319
