भारत बंगलादेशसँग १ विकेटले पराजित

बंगलादेशको भ्रमणमा रहेको भारतीय क्रिकेट टोली पहिलो एकदिवसीय खेलमा १ विकेटले पराजित भएको छ । भारतले प्रस्तुत गरेको १ सय ८७ रनको लक्ष्य बंगलादेशले ९ विकेटको क्षतिमा २४ बल बाँकी छँदै पछ्याएको थियो । १३६ रनमा नै ९ विकेट गुमाएको बंगलादेशका लागि मेहदी हसन मिराज र मुस्तफिजुर रहमानले नटआउट रहँदै क्रमशः ३८ र १० रन बनाउँदै टोलीलाई जीत दिलाए । उनीहरूबाहेक कप्तान लिटन दासले ४१ रन बनाए । ४२.१ ओभरमा अलआउट हुनअघि भरतले १८६ रन बनाएको थियो । भारतका लागि केएल राहुलले सर्वाधिक ७३ रन बनाए भने कप्तान रोहित शर्माले २७ रनको योगदान दिएका थिए।