पछिल्लो २४ घण्टामा कसैमा पनि कोरोना भाइरसको सङ्क्रमण देखिएको छैन । स्वास्थ्य तथा जनसङ्ख्या मन्त्रालयका अनुसार पीसीआर र एन्टिजेन गरि एक सय ९९ जनाको नमुना परीक्षण गर्दा कसैमा पनि कोरोना सङ्क्रमण पुष्टि नभएको हो । झन्डै तीन वर्षपछि कोरोना सङ्क्रमण पुष्टि हुनेको सङ्ख्या शून्यमा झरेको हो भने थप दुई जना निको भएसँगै सक्रिय सङ्क्रमितको सङ्ख्या ११ जनामा झरेको मन्त्रालयको भनाई छ ।
अहिलेसम्म कोरोनाबाट ज्यान गुमाउनेको सङ्ख्या १२ हजार १९ रहेको छ भने ९ लाख ८८ हजार नौ सय १६ जना कोरोना सङ्क्रमण भइ मुक्त भएका छन्।
यो समाचार पढेर हजुरले कस्तो महसुस गर्नुभएको छ ??
