एजेन्सी । अर्जेन्टिनाले विश्वकप फुटबलको उपाधि जितेपछि देशभर उत्सव मनाइँदैछ । जनताको उत्साह यति थियो कि जनसागरका कारण टोलीका खेलाडीले विजय परेड पनि पूरा गर्न सकेनन् र उनीहरुलाई हेलिकप्टरबाट लैजानुपर्यो । अर्जेन्टिनाका खेलाडीहरूले राजधानी भिनोस सेरेसको मंगलोरमा खुला बसमा विश्वकपको साथ परेड निकाल्ने योजना बनाएका थिए ।
तर, खेलाडी र कपको झलक हेर्न लाखौं मानिस सडकमा भेला भएका थिए । यो संख्या यति धेरै थियो कि खेलाडीको बसले निर्धारित रुट पनि पूरा गर्न सकेन। भीडका कारण बस गुड्ने ठाउँ पाएन र खेलाडीलाई हेलिकोप्टरमा राखेर लगियो । समाचार एजेन्सी रोयटर्सले देशको स्थानीय मिडियालाई उद्धृत गर्दै परेडको बाटोमा करिब ४० लाख मानिस भेला भएको बताएको छ ।
सामाजिक सञ्जालमा सार्वजनिक भएको भिडियोमा बस पुलमुनि जाँदा केही फ्यानहरू बसमा चढ्न खोजिरहेका देखिन्छन् । यस्तोमा सुरक्षाका कारण आठ घण्टाको यो यात्रालाई छोटो पारिएको थियो । कतारमा जारी फिफा विश्वकपको आइतबार भएको फाइनलमा अर्जेन्टिनाले फ्रान्सलाई पराजित गर्दै विश्वकपको उपाधि जितेको हो । यसलाई अर्जेन्टिनाको फुटबल टिमका कप्तान लियोनेल मेस्सीको अन्तिम विश्वकप पनि भनिएको छ ।
