नेपाली कांग्रेसको केन्द्रीय कार्यसमितिको बैठक यही पुस २२ गते शुक्रवार बस्ने बस्दैछ। बैठकमा प्रतिनिधि सभा र प्रदेश सभा सदस्य चुनाव २०७९ को समीक्षा र समसामयिक राजनीतिका सन्दर्भमा छलफल हुने विज्ञप्तिमा उल्लेख छ । पार्टी कार्यालयका मुख्य सचिव कृष्णप्रसाद पौडेलले निकाल्नुभएको विज्ञप्तिमा बैठकमा केन्द्रीय कार्यसमितिका पदाधिकारी एवम् सदस्यलाई उपस्थितिका लागि अनुरोध गरिएको छ ।
गएको मङ्सिर ४ गते सम्पन्न प्रतिनिधि सभा र प्रदेश सभा सदस्य चुनावमा प्रतिनिधि सभामा सबैभन्दा बढी ८९ सिटमा विजयी भएर कांग्रेस सङ्घीय संसद्को ठूलो दल बनेको छ । पार्टीको केन्द्रीय कार्यालय सानेपामा दिउँसो १ बजे बस्ने बैठक बस्ने जनाईएको छ ।
यो समाचार पढेर हजुरले कस्तो महसुस गर्नुभएको छ ??
