प्रधानमन्त्री पुष्पकमल दाहाल ‘प्रचण्ड’ले पाल्पा बस दुर्घटनाप्रति दुःख प्रकट गर्नुभएको छ । बस दुर्घटनामा ज्यान गुमाएका यात्रुप्रति श्रद्धाञ्जलि अर्पण गर्दै उहाँले दुर्घटनामा मृत्यु भएका नागरिकका आफन्तजनमा समवेदना व्यक्त गर्नुभएको हो । प्रधानमन्त्री दाहालले आज ट्वीट गर्दै दुर्घटनाका घाइतेको शीघ्र स्वास्थ्यलाभको कामना गर्नुभएको छ ।
साथे उहाँले सार्वजनिक यातायात सुरक्षित र मर्यादित तुल्याउन भूमिका खेल्न सबैमा अपिल गर्नुभयो । पाल्पाको रैनादेवीछहरा गाउँपालिका–८ टाडीस्थित सालझण्डी–ढोरपाटन सडकखण्डमा गएराति बस दुर्घटना हुँदा छ जनाको ज्यान गएको थियोभने दुर्घटनामा परी १७ जना घाइते भएका छन् ।
यो समाचार पढेर हजुरले कस्तो महसुस गर्नुभएको छ ??
