कपिलवस्तु//
बढ्दो सवारी दुर्घटनामा कमी ल्याउन कपिलवस्तुको अस्थायी ट्राफिक प्रहरी पोष्ट कृष्णनगरले साइकलमा चम्कने रिफ्लेक्टर स्टिकर टाँस्ने अभियानको थालनी गरेको छ । साइकलजस्ता साना सवारी साधनका कारण सडक दुर्घटना बढ्न सक्ने भन्दै कृष्णनगर देखि आर टि ओ सड्कमा गुड्ने साइकल उज्यालोमा चम्कने रिफ्लेक्टर स्टिकर टाँस्ने अभियानको थालनी गरेको हो ।
अभियान अन्तर्गत ट्राफिक प्रहरी पोष्ट कृष्णनगर प्रहरी नायब निरीक्षक चुरामणी पोखरेल नेतृत्वको टोलीले बिहिवार ६० साइकलमा चम्कने रिफ्लेक्टर स्टिकर टाँस गरेको थियो । रात्रिकालिन समयमा साइकल यात्रा गर्दा सडक दुर्घटना बढ्दै गइरहेका कारण साइकलमा रिफ्लेक्टरको अवधारणा ल्याईएको अस्थायी ट्राफिक पोष्ट कृष्णनगर प्रमुख प्रहरी नायब निरिक्षक हरि जिसिले जानकारी दिनुभयो । साप्ताहिक रुपमा सञ्चालन गरिने यस अभियानलाई निरन्तरता दिन अर्को हप्ता पुन साइकलमा स्टिकर टांस गरिने जानकारी अस्थायी प्रहरी नायब निरिक्षक हरि जिसिले जानकारी दिनु भयो।
कपिलवस्तुमा दुर्घटनामा कमी ल्याउन साइकलमा टल्किने स्टिकर
यो समाचार पढेर हजुरले कस्तो महसुस गर्नुभएको छ ??
