भैरहवा//
रुपन्देहीको मर्चवारमा गएराती भएको गोली प्रहारमा संलग्न रहेको भन्दै ३ जनालाई प्रहरीले नियन्त्रणमा लिएको छ। करिब सांझ ७ बजेको समयमा कोटहीमाई गाउापालिका वडा नं ३ त्रिलोकपुरमा अज्ञात समूहद्वारा गोली पड्काएको आवाज सुनिएको स्थानीयले सुन्नासाथ ईलाका प्रहरी कार्यालय मझगँवा रुपन्देहीलाई खबर गरेका थिए। स्थानीयबाट बन्दुक पड्केको आवाज सुनिएको खवर पाउना जिल्ला प्रहरी कार्यालय रुपन्देही र ईलाका प्रहरी कार्यालय मझगँवा रुपन्देहीबाट खटिई गएको प्रहरी टोली कोटहीमाई गाउँपालिका वडा नं. ३ त्रिलोकपुर स्थितबाट कटुवा पेस्तोलमा लाग्ने जस्तो देखिने १ राउण्ड गोली र पड्केको गोलीको खोका थान १ थान बरामद गरेको जिल्ला प्रहरी कार्यालयका प्रवक्ता श्यामु अर्यालले जानकारी दिनुभएको छ।
घटनस्थलबाट सोही ठाउ बस्ने बर्ष १८ को दिलिप यादव, बर्ष २१ को बिजय भर र भारत महाराजगंज कोलई बस्ने बर्ष २५ को श्री प्रसाद यादव र निजहरुको साथबाट लु १३ प ९४१६ र लु ४२ प ५५७२ नं. को मोटरसाईकल समेत नियन्त्रणमा लिई आवश्यक अनुसन्धान भईरहेको प्रहरी नायव उपरिक्षक तथा जिप्रका रुपन्देहीका प्रवक्ता श्यामु अर्यालले प्रेस विज्ञप्ती मार्फत जान दिनु भएको छ।
