कास्की//
यति एअरलायन्सको विमान दुर्घटना हुदाँ विमानमा सवारमध्ये ६८ जनाको शव फेला परेको छ । सेती नदीको खोँचमा आज बिहान १०.३० मा भएको दुर्घटनामा परी ६८ जनाको मृत्यु भएको पुष्टि भएको हो । विमानमा ७२ जना सवार थिए। अन्य ४ जनाको खोजी जारी रहेको छ । मृतकको शव गण्डकी अस्पतालको शव गृहमा राखिएको छ । ४ जनाको शव भने अझै भेटिएको छैन । शवहरू अस्पताल पुर्याएसँगै मृतकका दिवङ्गत यात्रुका परिवारजन अस्पतालमा शोकाकुल अवस्थामा छन् ।
पोखराका पहिचान भएका शव भोलि सोमवार बिहान ९ बजेपछि पोस्टमार्टम गरी परिवारलाई बुझाउने कास्कीका सहायक प्रमुख जिल्ला अधिकारी गुरुदत्त ढकालले जानकारी दिनुभयो । ६८ जना यात्रु र चार जना चालक दलका सदस्यसहित काठमाण्डौबाट पोखराका लागि उडेको विमान पोखरामा अवतरण गर्ने तयारीका क्रममा सेती नदी खोँचमा खसेको थियो ।
यो समाचार पढेर हजुरले कस्तो महसुस गर्नुभएको छ ??
