कपिलवस्तु//
काठमाडौबाट पोखराको लागि उडान भरेको यती एयरलाइन्सको विमान दुर्घटनामा ज्यान गुमाएकाहरुको सम्झनामा सोमवार दीप प्रज्वलन गरिएको छ। सोमबार साँझ कृष्णनगरको गोलघर चोकमा निवर्तमान सांसद अभिषेक प्रताप शाहको अगुवाईमा दिप प्रज्वलित गरी मृतकप्रति श्रद्धाञ्जलि दिइएको थियो ।
मृतकप्रति श्रद्धाञ्जली व्यक्त गर्दै दुर्घटनाको छानविन गरेर दुर्घटनाको कारण सार्वजनिक हुनुपर्ने माग गर्दै निवर्तमान सांसद शाहले यस्तो दुःखद घटना दोहोरिन नदिन सम्बन्धित निकायले सतर्कता अपनाउनुपर्ने कुरामा जोड दिए।
काठमाडौंबाट पोखराको लागी उडेको यती एअरको विमान आइतवार बिहान अवतरणको क्रममा पोखरामा दुर्घटनामा परेको थियो । आयोजित दिप प्रज्वलन कार्यक्रमा अजित सिंह, नागेश्वर मिश्र, देवेन्द्र त्रिपाठी, किफायतुल्ला खान, दिनेश चन्द गुप्ता, सुशील श्रीवास्तव, कृष्ण कुमार गुप्ता, लगायत विभिन्न संघ संस्थाका प्रतिनिधि , समाजसेवी, बुद्धिजीवी, शिक्षा प्रेमी, स्थानीय, सुरक्षाकर्मीहरूको उपस्थित रहेको थियो ।
