भैरहवा//
लुम्बिनी प्रेस क्लब रुपन्देहीले सम्झना शर्माको अध्यक्षतामा नयाँ कार्यसमिति सर्वसम्मत निर्वाचित गरेको छ । शनिबार मायादेवी गाउँपालिका–८ स्थित क्लबको नवनिर्मित भवनमा भएको चौथो अधिवेशनबाट उपाध्यक्षमा कमल रायमाझी, श्यामशंकर पाण्डे, महासचिवमा शंकर प्रसाद पाण्डे, सचिवमा प्रकाश न्यौपाने, कोषाध्यक्षमा राधेश्याम विश्वकर्मा र सह–कोषाध्यक्षमा पुनहरि बेल्बासे चयन हुनुभएको हो ।
त्यसै गरी कार्यसमिति सदस्यहरुमा रबिन्द्र प्रताप गुप्ता, शशि पन्थी, मोहम्मद हबिब, विष्णु भट्टराई, पशुपति यादव र प्रतीक पौडेल निर्वाचित हुनुभएको प्रमुख निर्वाचन अधिकृत कृष्ण प्रसाद ढकालले बताए । क्लबको लेखा समिति संयोजकमा शोभाकान्त रेग्मी र तालिम समिति संयोजकमा उषा केसी निर्वाचित हुनुभएको छ ।
यो समाचार पढेर हजुरले कस्तो महसुस गर्नुभएको छ ??
