बुटवल ।
ससुराली गएका एक पुरुष पाल्पामा मृत अवस्थामा फेला परेका छन् । पाल्पाको रिब्दिकोट गाउँपालिका वडा नं ४ भार्कोट स्थायी घर भई रुपन्देहीको बुटवल उपमहानगरपालिका १२ नयाँगाउँ बस्दै आएका ४५ वर्षीय थानेश्वर सुवेदी मृत फेला परेको जिल्ला प्रहरी कार्यालय पाल्पाका प्रवक्ता प्रहरी नायव उपरीक्षक वीरेन्द्र थापाले जानकारी दिनुभएको छ ।
प्रवक्ता थापाका अनुसार सुवेदी गएको शुक्रवार श्रीमती कोपिलासँगै रिब्दिकोट गाउँपालिका वडा नं ४ भार्कोटस्थित ससुरालीमा पुगेका थिए। आइतबार बिहान साढे ६ बजेको समयमा चिया पिउनको लागि उठाउन जाँदा सुतेकै ठाउँमा मृत अवस्थामा आफूले देखेको श्रीमती कोपिलाले प्रहरीलाई बताएकी छिन।घटनासम्बन्धि थप अनुसन्धान भइरहेको प्रहरीले जनाएको छ।
यो समाचार पढेर हजुरले कस्तो महसुस गर्नुभएको छ ??
