भैरहवा ।
नेपाल टेलिकम रुपन्देही सुपरलिग क्रिकेट प्रतियोगिता अन्तर्गत डिभिजन ‘ए’ को बिहीबारको खेलमा बीएम डब्लु वेष्टर्न क्रिकेट क्लब विजयी भएको छ । वेष्टर्नले जेआर क्रिकेट क्लबमाथि १ रनको जित निकाल्दै विजयी बनेको हो । भैरहवास्थित सिद्धार्थ रंगशालामा भएको खेलको टस हारेर ब्याटिङको निम्तो पाएको वेष्टर्नले निर्धारित ४७ ओभरको खेलमा ४४।२ ओभरमा सबै विकेटको नोक्सानीमा २ सय ४ रनको योगफल बनायो ।
जवाफी ब्याटिङ गरेको जेआर ४७ ओभरमा सबै विकेट गुमाउँदै २ सय ३ रनमा रोकियो र १ रनले पराजित हुन पुगेको थियो । वेष्टर्नका अनिलकुमार साह म्यान अफ द म्याच भई एक हजार रुपैयाँबाट पुरस्कृत भएका छन । चैत्र ३ गतेसम्म चल्ने प्रतियोगितामा बिजेताले १ लाख रुपैयाँ र ट्रफी तथा उपबिजेताले ५० हजार र ट्रफी प्राप्त गर्नेछन्।
यो समाचार पढेर हजुरले कस्तो महसुस गर्नुभएको छ ??
