देवदह // रुपन्देहीको देवदहमा विभिन्न सामाजिक कार्य गर्दै आईरहेको संस्था लायन्स क्लब अफ देवदह प्रोफेसनल युथले स्टेसनरी वितरण कार्यक्रम सम्पन्न गरेको छ। सोमबार विद्यार्थीलाई प्रोत्साहन एवम् शैक्षिक समाग्री सहयोग गर्ने उदेश्यका साथ देवदह-२ स्थित श्री पेटबनिया सामुदायिक अधारभुत बिद्यालयमा स्टेसनरी सामाग्री वितरण गरिएको हो।
कार्यक्रमलाई सम्बोधन गर्दै कार्यक्रमका प्रमुख अतिथी लायन्स ३२५ पि का फस्ट भाईस डिस्ट्रीक गभर्नर अर्जुन मान सैजुले प्रशंसनीय कार्य गरेको भन्दै क्लबलाई धन्यवाद व्यक्त गर्नुभयो। उहाले बालबालिकालाई पढाइ प्रति उत्प्रेरित गर्न लायन्सले सधैं समुदाय संग हातेमालो गर्ने बताए।
क्लबका कार्यवाहक अध्यक्ष तथा क्लबका प्रथम उपाध्यक्ष कमल पौडेल अध्यक्षतामा सम्पन्न कार्यक्रममा लायन्स ३२५ पि का सेकेण्ड भाईस डिस्ट्रीक गभर्नर पुरुषोतम भक्त प्रधानाङ्गको विशिष्ट आतिथ्यता, क्लबका चार्टर प्रेसिडेन्ट दिपेश मल्ल, क्लबका पदाधिकारी, अभिभावक संघका अध्यक्ष, बिद्यालयका शिक्षक र विद्यार्थीहरुको उपस्थिति रहेको थियो।
कार्यक्रममा बोल्दै कार्यक्रमका अध्यक्ष पौडेलले क्लबले यसरी नै दुरदराजमा रहेका, सरोकारवालाबाट नजर नपुगेको ठाउँमा लायन्स भन्ने मुल मन्त्रका साथ कार्यक्रम अगाडि बढाउने प्रतिवद्धता व्यक्त गरे। कार्यक्रम क्लबका सचिव नवीन थापा मगरको सञ्चालनमा भएको थियो।कार्यक्रमको संयोजन कृष्ण प्रसाद न्यौपाने र आर्थिक संयोजक बिमाल तिवारीले गर्नुभएको थियो।
