भैरहवा।
द राईजिङ्ग क्लब अफ बर्दिहवाको आयोजना तथा ओमसतिया गाउँपालिकाको आर्थिक सहयोगमा ओमसतिया–२ स्थित कर्मडाडा मैदानमा बुधबारदेखि अध्यक्ष कप क्रिकेट प्रतियोगिता–२०७९ सुरु भएको छ । ८ वटा टीमको सहभागीता भएको प्रतियोगिता चैत ९ गतेसम्म चल्ने आयोजकले जनाएका छन् । प्रतियोगिताको उद्घाटन गर्दै ओमसतिया गाउँपालिकाका अध्यक्ष मन्जित कुमार यादवले क्रिकेट खेलप्रति रुची बढाउने उद्देश्यले गाउँपालिकाको सहयोगमा प्रतियोगिता आयोजना गरिएको बताउनुभयो ।
कार्यक्रममा गाउँपालिका उपाध्यक्ष सुनिता चौधरी, प्रवक्ता मदन पोखरेल, प्रमुख प्रशासकीय अधिकृत विपिन क्षेत्री, द राईजिङ्ग क्लब अफ बर्दिहवाका अध्यक्ष प्रविन गुप्ता, मनोज कुमार यादव लगायतले खेलाडीहरुलाई अनुशासित भएर खेल्न आग्रह गरे । प्रतियोगिताको विजेता टीमलाई रु ६० हजार र उपविजेतालाई रु ३० हजार प्रदान गरिने आयोजकले जनाएको छ ।
