काठमाडौं ।
नेपालको फिफा महिला वरीयतामा सुधार आएको छ । विश्व फुटबलको सर्वोच्च निकाय फिफाले आज सार्वजनिक गरेको नयाँ वरीयतामा नेपालको वरीयता तीन स्थान सुधार भएको छ। नयाँ वरीयतामा नेपाल १०० औं स्थानमा उक्लिएको छ। अघिल्लो पटकको वरीयतामा समेत नेपाल १०३ औं स्थानमा रहेकामा अहिले केही सुधार गरेको हो ।
एसियाली राष्ट्रको वरीयतामा भने नेपाल २० औं स्थानमा रहेको छ । यस्तै दक्षिण एसियाली राष्ट्रको वरीयता नेपाल दोस्रो स्थानमा रहेको छ । नेपाल भन्दा अघि रहेको भारत ६१ औं स्थानमा रहेको छ । विश्व वरीयतामा अमेरिका शीर्ष स्थानमा यथावत छ ।
यो समाचार पढेर हजुरले कस्तो महसुस गर्नुभएको छ ??
