नवलपरासी ।
पूर्वी नवलपरासीको विनयीत्रिवेणि गाउँपालिका–५ को भेडी गाउँमा ९ वटा बम बेवारिसे अवस्थामा बम फेला परेका छन। फेला परेका ति नौ वटा बमलाई आज सोमवार नेपाली सेनाको बम डिस्पोजल टोलीले निष्क्रिय बनाएको छ । आइतवार बारीमा बम देखिएपछि स्थानीय जनप्रतिनिधिले प्रहरीलाई खबर गरेका थिए। जङ्गलमा चौपाया चराउन गएका किसानहरूले बारीमा बम देखेपछि खोतल्दै जाँदा एकै ठाउँमा नौ वटा बम देखिएको थियो ।
कावासोती–१ मा रहेको नेपाली सेनाको २ नम्बर वन तथा पर्यावरण सुरक्षा गण हात्तीखोरको टोली बम फेला परेको ठाउँमा पुगेर सबै बमलाई निष्क्रिय पारेको जिल्ला प्रहरी कार्यालय पूर्वी नवलपरासीका प्रमुख भुवनेश्वर तिवारीले जानकारी दिनुभयो।
यो समाचार पढेर हजुरले कस्तो महसुस गर्नुभएको छ ??
