झविन्द्र देवकोटा, बुटवल ।
‘तिमीसँगै हुदाँ’ गीतको म्युजिक भिडियो युटुव मार्फत सार्वजनिक गरिएको छ । प्रकाश दास र अस्मिता अधिकारीले स्वर दिनु भएको गीतको म्युजिक भिडियोको एक कार्यक्रमकाबीचमा सार्वजनिक गरिएको हो । माया र युगल जोडिलाई केन्द्रीत गरि बनाइएको गीतमा मायाभावका शब्दहरु समेटिएको छ । गीतको शब्द रचना निशा शर्मा अर्यालले गर्नु भएको हो। दर्जनबढी लोकप्रिय गीतको रचना गरिसक्नु भएकी निशाको यो गीत युटुवमा सार्वजनिक भएसँगै भिवर्सहरु ह्वात्तै बढेका छन।
लाइमलाईटको पोष्ट प्रोडक्सनमा बनेको म्युजिक भिडियोमा पल शाह र कला राईको जीवन्त अभिनय देख्न पाईन्छ । म्युजिक भिडियोको निर्देशन दिनेश पाख्रीनले गर्नु भएको छ । गीतमा संगीत सन्तोष श्रेष्ठले दिएको गीतको एरेन्ज राजु कार्की रे म्युजिक भिडियोको नृत्य निर्देशनका रुपमा जनक कार्की रहनु भएको छ । ‘तिमीसँगै हुदाँ’ गीतको म्युजिक भिडियो पाँच मिनेट ३३ सकेण्डको बनेको रचनाकार निशा शर्मा अर्यालले जानकारी दिनुभयो । सर्लाही र रौटहटका पर्यटकीय क्षेत्र, बागमती नौथर, ब्रह्मस्थान नदी, भारत ताल लगायतका स्थानमा म्युजिक भिडियोको छायांकन गरिएको अर्यालले बताउनुभयो ।
