काठमाडौं ।
नेकपा (एमाले)का उपाध्यक्ष विष्णुप्रसाद पौडेलले छिट्टै नै गौतमबुद्ध अन्तर्राष्ट्रिय विमानस्थल पूर्णरूपले सञ्चालनमा आउने बताउनुभएको छ। पौडेलले विमानस्थल आवश्यकताले नै निर्माण भएको बताउदै छिट्टै सञ्चालन हुनेमा ढुक्क हुन सबैलाई आग्रह गर्नुभयो। होटल तथा रेष्टुरेन्ट व्यवसायी सङ्घ रुपन्देहीको आजदेखि सुरु २२औँ वार्षिक साधारणसभा तथा ११औँ अधिवेशनको बुटवलमा उद्घाटन गर्दै पूर्वउपप्रधानमन्त्री तथा अर्थमन्त्री पौडेलले विमानस्थल सञ्चालनमा आउन नसक्नुको कारण सम्बद्ध निकायको कमजोरी भएको बताउनुभयो । उहाँले कमजोरी सुधार गरेर विमानस्थल सञ्चालनमा ल्याउनुपर्ने उहाँको जोड छ । उहाँले बुटवलमा निर्माण भएको अन्तर्राष्ट्रिय सम्मेलन केन्द्र र प्रदर्शनीस्थल पनि सञ्चालन आउने बताउनुभयो ।
यो समाचार पढेर हजुरले कस्तो महसुस गर्नुभएको छ ??
