मुम्बई ।
वेंकटेश ऐयरको उत्कृष्ट शतकका बाबजुद कोलकाता नाइट राइडर्स मुम्बई इन्डियन्ससँग पाँच विकेटले पराजित भएको छ। आइतबार भएको खेलमा कोलाकाताले प्रस्तुत गरेको १ सय ८६ रनको लक्ष्य मुम्बईले १४ बल बाँकी छँदै पाँच विकेटको क्षतिमा पछ्यायो । मुम्बईलाई जीत दिलाउन ईशान किशनले सर्वाधिक ५८ रन बनाए भने कप्तान सूर्यकुमार यादवले ४३ रनको योगदान दिए । तिलक वर्माले ३० रन तथा टिम डेभिडले नटआउट रहँदै २४ रन बनाए । कोलकाताका लागि सुयष शर्माले २ विकेट लिए ।
यसअघि ऐयरको विस्फोटक ब्याटिङको मद्दतले कोलकाताले निर्धारित २० ओभरमा ६ विकेटको क्षतिमा १ सय ८५ रन बनाएको थियो। ६ चौका र ९ छक्का हिर्काउँदै ऐयरले ४१ बलमा १ सय ४ रन बनाए । उनलाई अन्य खेलाडीले दरिलो साथ दिन सकेनन् । आन्द्रे रसले २१ तथा रिंकु सिंहले १८ रनको योगदान दिए । मुम्बईका लागि ऋतिक सोकिनले २ विकेट लिए ।
-एजेन्सी
