दार्चुला ।
दार्चुलामा तुइनबाट खसेर महाकाली नदीमा बेपत्ता भएका एक पुरुषको शव फेला परेको छ । शनिबार दिउँसो तुईनबाट नदीमा खसेर बेपत्ता भएका ४५ वर्षीय सिङ्दलसिंह भण्डारीको शव महाकाली नदी पारी भारततर्फ फेला परेको हो । भारतमा रहेकी आमा जसोदा भण्डारीलाई लिन सिङ्दलसिंह तुइन चढेर भारततर्फ जाँदै थिए, सोही समयमा उनी तल खसेका हुन । मृतक भण्डारीका घरमा दुई छोरा र एक छोरी रहेकी छिन् । उनकी श्रीमतीको भने चार वर्ष अघि निधन भएको बताइएको छ ।
यो समाचार पढेर हजुरले कस्तो महसुस गर्नुभएको छ ??
