काठमाडौं ।
नेपालमा जारी एसीसी प्रिमियर कपको समूह ‘बी’ खेलमा बहराइनविरुद्ध सहज जित निकाल्दै युनाइटेड अरब इमिरेट्स (यूएई) सेमिफाइनलमा प्रवेश गरेको छ। बुधबार भएको खेलमा बहराइनलाई ८ विकेटले हराउँदै यूएई सेमिफाइनलमा प्रवेश गरेको हो। बहराइनले प्रस्तुत गरेको ११७ रनको लक्ष्य यूएईले २७.४ ओभरमा दुई विकेट गुमाएर पुरा गरेको थियो। त्यसअघि टस जितेर ब्याटिङमा आएको बहराइन ४०.५ ओभरमा ११६ रनमै समेटिएपछि यूएईले सेमिफाइनल प्रवेशका लागि ११७ रनको झिनो लक्ष्य पाएको थियो । यूएईसँगको हारपछि बहराइन प्रतियोगिताको समूह चरणबाटै बाहिरिएको छ।
यो समाचार पढेर हजुरले कस्तो महसुस गर्नुभएको छ ??
