काठमाडौं ।
प्रधानमन्त्री पुष्पकमल दाहाल ‘प्रचण्ड’ले मन्त्रिपरिषद् विस्तार गर्नुभएको छ। प्रधानमन्त्री प्रचण्डले नयाँ मन्त्रीमा कांग्रेसका धनराज गुरुङ कानूनमन्त्रीमा, स्वास्थ्य मन्त्रीमा मोहन बस्नेत र युवा तथा खेलकुद मन्त्रीमा डिगबहादुर लिम्बुलाई नियुक्त गर्नुभएको हो । प्रधानमन्त्रीको सिफारिसमा राष्ट्रपति रामचन्द्र पौडेलले मन्त्री नियुक्त गर्नुभएको छ । नवनियुक्त मन्त्रीहरूले आज (बिहीबार) शपथ लिनुहुने भएको छ। शपथग्रहण समारोह दिउँसो ३ बजे हुने राष्ट्रपति कार्यालयले जनाएको छ । प्रधानमन्त्री प्रचण्डले मन्त्रिपरिषद विस्तार गरेको यो आठौं पटक हो । अझै पनि खानेपानी र वन तथा वातावरण मन्त्रालयको जिम्मेवारी उहाँ आफैंले सम्हाल्नुभएको छ।
यो समाचार पढेर हजुरले कस्तो महसुस गर्नुभएको छ ??
